танилцуулга
Бидний тухай

Глобал Дайрекшн ХХК нь програм хангамжийн шинэ шийдэл, дэвшилтэт технологийн бүтээгдэхүүнүүдийг боловсруулан, 2008 оноос хойш GPS /байршил тодорхойлох систем/-ын газрын зургийн хөгжүүлэлт, мэдээллийн нэгдсэн санг баяжуулахад түлхүү анхаарч “Garmin” программын газрын зураг, “Navitel” программын газрын зураг, “Moviator GPS”, “Оллоо GPS”, Nokia буюу Symbian үйлдлийн системийн гар утсанд зориулсан “Moviator Mobile”,  Mobile Windows болон Windows CE үйлдлийн системийн GPS төхөөрөмжинд зориулсан “Газарчин” програм, Андройд үйлдлийн системийн гар утсанд зориулсан “Газарчин GPS”,  “CityGuide GPS”, “GeoNet GPS” програм хангамжуудыг боловсруулан зах зээлд нэвтрүүлсэн билээ.

Мөн түүнчлэн 1990 оноос хойш Монгол хэлний үг үсгийн мэдээллийн санг үүсгэн байгуулж, хөгжүүлэлт боловсруулалтыг тасралтгүй хийсээр ирсэн бөгөөд, уг мэдээллийн санд суурилсан төрөл бүрийн програм хангамжуудыг боловсруулж байсан нь үргэлж Монголдоо анхдагч нь байсан билээ. Үр дүнд нь: 1995 онд Монголын хамгийн анхны Англи-Монгол-Англи цахим толь бичиг, програм хангамж, 1997 онд Монголын хамгийн анхны Монгол хэлний үг үсгийн алдаа засах програм, 2010 онд Монголын хамгийн анхны синхрони орчуулгын үүлэн технологид “Cloud Service” суурилсан “Тийм” орчуулгын програм хангамжууд тухайн үедээ зохиогдон гарч байсан юм.

Үүнээс гадна төрөл бүрийн серверийн програм хангамжуудыг хөгжүүлэн туршилт судалгаануудыг тасралтгүй явуулсаар ирсэн билээ. “M Taxi” онлайн газрын зураг, хаягийн хайлтын систем, зам тооцоолон бодох систем, такси дуудлагын серверийн болон андройд гар утасны програм, iMarket, Хүргэлт түгээлтийн програм хангамж, “Гар касс ”Android POS програм хангамж, Orig.Store, Jangar.TV, Jangar.One бренд бүтээгдхүүнүүдийг нэрлэж болно.

Аливаа байгууллага бүрт бүтээгдэхүүн, үйлчилгээгээ харилцагч, хэрэглэгчиддээ хүргэх болон компаний дотоод үйл ажиллагааны хэрэгцээнд зориулсан ложистик тээвэрлэлтийн ажиллагаа байнга хийгдэж байдаг. Инноваци бүрийн цаана эцсийн хэрэглэгчид өгөх үр ашиг, тэдний ажлын гүйцэтгэлийг нэмэгдүүлэх зорилго оршин байдаг.

Тээврийн хэрэгслийн байршлыг тогтоох, хянах, түргэн шуурхай үйлчилгээ үзүүлэхэд “GPS tracking system” буюу тээврийн хэрэгслийн хяналтын систем чухал үүрэг гүйцэтгэдэг. Бид энэхүү хэрэгцээ шаардлагад нийцсэн “Easy Solutions” нэрийн хэрэглэхэд хялбар, дэвшилтэт програмын шийдлүүдийг харилцагч, хэрэглэгчиддээ санал болгодог.

Байгууллагын өмч хөрөнгө хянах, ажил үүргийн хуваарилалт хянах, хүргэлт түгээлтийн үйлчилгээ эрхлэх, түрээсийн үйлчилгээ эрхлэх, тээврийн хэрэгсэлийн худалдаа, лизинг, түрээсийн үйлчилгээ үзүүлэх байгууллага хувь хүмүүст манай энэ үйлчилгээ их тохиромжтой юм.

GPS Map Database

Монгол орны /GPS/ газрын зургийн мэдээллийн сан, хөгжүүлэлт

Navigation System

Маршрут, замын чиглэл заагч ухаалаг Offline GPS (сүлжээ үл хамаарах)

Tracking System

Хүн, амьтан, тээврийн хэрэгслийн байршил мэдээлэх систем
Манай дижитал бренд бүтээгдхүүнүүд
бүтээгдхүүн
Бүтээгдэхүүнүүдийн танилцуулга
Байрлал мэдээлэгч програм хангамж
Хувь хүн, аж ахуй нэгжийн өдөр тутмын хэрэгцээ шаардлагад нийцсэн хяналтын системийн энгийн хувилбар нь байршил мэдээлэгч програм хангамж юм. Монгол орны нутаг дэвсгэр дэх хөдөлгөөнт биет, обьектын нөхцөл байдлын мэдээллийг (байршил, хурд, түлшний хэмжээ, явсан замын түүх) 24/7 цагийн турш хэрэглэгчийн гар утас, компьютерт газрын зураг дээр “Real Time” дүрслэн харуулж, холбогдох тайлан судалгааг Excel, PDF, Word гэх мэт хүссэн загвар, файлаар гаргаж өгнө.
Дэлгэрэнгүй
Оффисоос гадуур ажилтнуудын менежментийн програм
Байгууллагын ирээдүй гэрэлтэй харагддаг ч байгууллагын өдөр тутмын үйл ажиллагаанд санхүүгийн асуудлууд, нууц зардалууд хуримтлагдсаар байдаг. Удирдлагын түвшинд зөв хүнээ сонгох, байгууллагын зорилгыг ажилтны зорилготой нэгтгэх, удирдлагын арга барилыг сайжруулахад анхаарал хандуулах нь тухайн байгууллагын санхүүгийн хүндрэлийг богино хугацаанд арилгаж болох давуу талтай. Easy Job нь бизнесийн орчин, бүтээмжийг сайжруулах хамгийн сайн арга бөгөөд таны үнэнч менежер болж, үр дүнтэй ажиллахад тань туслах болно.
Програм хангамжид төслийн менежмент, оффис болон оффисоос гадуурх ажилтнуудын цагийг хянах, үүрэг даалгавар, ажлын даалгаврын тэмдэглэл, зураг, бичлэг зэрэг багтдаг.
Дэлгэрэнгүй
Интернэт холболтгүй ажиллах GPS програм
Та бидний гар утсан дээр Google Maps, Maps Me гэх мэт олон төрлийн байршил заах програмууд байдаг. Эдгээр програмууд заавал интернэтийн холболт шаарддаг, Монгол улсын өндөр нарийвчлалтай газрын зураг байдаггүйгээс болоод та бидний хэрэгцээ шаардлагыг тэр бүр хангаж чаддаггүй билээ.
GeoNet нь Монгол орны өндөр нарийвчлалтай газрын зурагтай, Монгол хэлтэй, интернэтгүй орчинд ажиллах бөгөөд та хэзээ ч төөрөхгүй. Гудамж талбай, тодорхой хаяг (POI), нэр, координатаар хүссэн газраа олж харах, чиглэл тооцоолох, авто замын бөглөрөл тооцох, зайг хэмжихэд тань туслах болно. Android, I Phone гээд бүх төрлийн гар утсанд суулгах боломжтой.
Дэлгэрэнгүй
Бидний давуу талууд
  • Туршлага:
    12 жилийн мэдлэг, туршлагатай мэргэжлийн хамт олон
  • Сонголт:
    Чанарын баталгаатай, дэвшилтэт, ухаалаг бүтээгдхүүн
  • Шийдэл:
    Хэрэглээ бүрт тохирсон оновчтой шийдэл, боловсруулалт
Бидний замнал
Түүхэн хэлхээ

Манай компаний замнал нь технологи, үйл ажиллагааны дэд бүтэц, шинэ түншлэл, маркетингийн санаачлагыг хөгжүүлэхэд чиглэгдсээр ирсэн.

Бүтээгдхүүний зах зээлд эзлэх хувь
2236+
2236+
EasyTrace хэрэглэгчид
5156+
5156+
Geonet хэрэглэгчид

EasyJob хэрэглэгчид

API хэрэглэгчид

Харилцагч байгууллагууд